Ермұхамед Әләйдар – VIII Әлем чемпионатының жеңімпазы!

Румынияның Бухарест қаласында 21–27 қыркүйек аралығында тоғызқұмалақтан кезекті VIII Әлем чемпионаты өтті. Дүбірлі додаға әлемнің 14 елінен 80-ге жуық үздік спортшы қатысып, бақ сынасты.

Ұлттық құрама сапында өнер көрсеткен жерлесіміз, #7 спорт мектебінің тоғызқұмалақ бөлімінің жаттықтырушысы, халықаралық дәрежедегі спорт шебері Ермұхамед Әләйдар айрықша нәтиже көрсетті:
Блиц түрінен – ӘЛЕМ ЧЕМПИОНЫ (алтын жүлде);
Рапид түрінен – күміс жүлдегер.

Спортшының бапкері – ҚР еңбек сіңірген спорт шебері Хакімжан Елеусінов, ең алғашқы жаттықтырушысы Асылбеков Қасым.

Әлем чемпионатына қатысқан елдер:
Қазақстан, Қырғызстан, Өзбекстан, Түрікменстан, Түркия, Румыния, Словения, Испания, Чехия, Украина, Венгрия, АҚШ, Мексика және Оңтүстік Корея.
Жеңімпаз бен оның жаттықтырушысын жарқын жеңісімен құттықтаймыз!