Аянат Жұмағали Жапонияның Аичи–Нагоя қаласында күміс жүлдеге ие болды

Жерлесіміз, жас ауыр атлет Аянат Жұмағали Жапонияның Аичи–Нагоя қаласында өтіп жатқан Азия ойындарында 77 келіге дейінгі салмақта күміс жүлдеге ие болды.

Аянат жұлқа көтеруде 109 келі, серпе көтеруде 137 келі көтеріп, қоссайыс қорытындысында 246 келіні еңсерді.

Бұл – жерлесіміздің жоғары деңгейдегі спорттағы кезекті жарқын жетістігі, ел мерейін асқақтатқан зор нәтиже.

Аянатты және оның бапкерлерін жеңісімен шын жүректен құттықтаймыз. Алдағы додаларда да көк туымызды биікте желбіретіп, жаңа белестерді бағындыра беруіне тілектеспіз!