Бүгін Қазақстанда Еңбек күні аталып өтеді

Қазақстанда жыл сайын қыркүйектің соңғы жексенбісінде Еңбек күні аталып өтеді. Бұл кәсіби мереке елімізде 2014 жылы бекітілген.

Еңбек күні – ел экономикасының дамуына және қоғамның өркендеуіне адал еңбегімен үлес қосып жүрген еңбек адамдарына алғыс білдіруге арналған.

Бүгін Астана қаласындағы Президент орталығында Премьер-Министр Олжас Бектеновтің қатысуымен Еңбек күніне арналған «Еңбек – ел мұраты» атты республикалық форумында Мемлекет басшысының Жарлығымен 31 жыл бойы «Шалқия Цинк ЛТД» ЖШС-да тас қалаушы болып еңбек еткен Мырза Малкенов «Ерен еңбегі үшін» медалімен марапатталды. Бұл – адал еңбектің, кәсібіне деген жауапкершілік пен табандылықтың лайықты бағасы.

Қажырлы еңбегімен еліміздің өсіп-өркендеуіне үлес қосып жатқан сан алуан кәсіп иелерін мерекемен құттықтаймыз!

Еңбек күні құтты болсын!