ӘЛЕУМЕТТІК НЫСАНДАРДЫҢ ЖАЙ-КҮЙІ БАҚЫЛАУДА

Облыс әкімінің тапсырмасына сәйкес аудан әкімі Жарқынбек Ғалымжан соңғы жылдары мемлекеттік бюджет қаражаты есебінен салынып, пайдалануға берілген әлеуметтік нысандардың жай-күйін зерделеді.

Зерделеу барысында «Қыркеңсе» ауылдық округіндегі дәрігерлік амбулатория, «Жаңарық» ауылдық округіндегі №167 «Келешек» мектебі, Жаңақорған кентіндегі Өнер мектебі мен Оқушылар үйі және басқа да әлеуметтік нысандардың жағдайы қаралды.

Жекелеген нысандарда ғимараттар мен ішкі бөлмелерді күтіп-ұстауға қатысты кемшіліктер анықталып, оларды шұғыл жою жөнінде жауапты тұлғаларға нақты тапсырмалар берілді.

Басты талап – сапа. Мемлекеттік қаржыға салынған әрбір нысан ел игілігіне қызмет етіп, ұзақ жылдар бойы талапқа сай пайдаланылуы тиіс.