КӘСІПКЕР – ЕЛГЕ ҮЛГІ БОЛУЫ ТИІС!

Мемлекет кәсіпкерлерге барынша қолдау көрсетіп, жұмыс істеуге қолайлы жағдай жасауда. Ендеше, бұл қолдау жауапкершілікпен қатар жүруі тиіс.

Жаңақорған кентіндегі кәсіпкерлерге өз нысандарының айналасын таза ұстау, абаттандыру және көгалдандыру жөнінде бірнеше рет ескерту берілді. Алайда талаптарды орындамаған кәсіп иелеріне тиісті шаралар қолданылып, айыппұл салынды.

Құрметті кәсіпкерлер!

Кәсіпкерлік нысанның айналасын таза ұстау – тек заң талабы емес, елді мекенге деген құрмет. Арам шөпке толған, қоқыс жатқан аумақ кәсіпкердің де, кенттің де көркіне сын.
Сондықтан әр кәсіпкер өзіне тиесілі аумақтың тазалығы мен көркейтілуіне жауапкершілікпен қарауы қажет. Алдағы уақытта бұл бағыттағы бақылау күшейтіледі.

Тазалық – ортақ міндет. Тәртіп – ортақ жауапкершілік.