МҰХТАР ШАХАНОВ "ҮЗДІК КӘСІПКЕР" АТАНДЫ

Астана қаласында «Атамекен» ҰКП V Съезі аясында өткен «Бастау» жобасының түлектері мен қатысушыларының форумында жаңақорғандық жас кәсіпкер, «Бастау» жобасының түлегі Мұхтар Шаханов "Үздік кәсіпкер" номинациясымен марапатталды. 
– Биыл аймақ башсысының пәрменімен Сыр елінде «Жаппай кәсіпкерлікті қолдау жылы» болып жарияланғаны белгілі. Әсіресе, кәсібін енді бастаған жас кәсіпкерлер мен ынталы азаматтар мемлекет қолдауына қашанда зәру. Яғни, осындай бизнес-форумдар мен оқыту курстары мен түрлі семинар-тренингтердің жастарға берер пайдасы мол. Бұл тұрғыда «Атамекен» кәсіпкерлер палатасының бизнес-тренелері мен үйлестірушілеріне айтар алғысым зор – дейді форумда «Үздік кәсіпкер» номинациясына ие болған Мұхтар Шаханов.
Айта кету керек, 2017 жылы Қазақстан бойынша 80 ауданда 15 000 адам оқытылып, солардың 3314-і бизнестерін ашқан.
                                                                                                                            Әбдісамат ӘБДІШ.