АУҒАН СОҒЫСЫНА ҚАТЫСҚАН ИНТЕРНАЦИОНАЛИСТ ЖАУЫНГЕРЛЕР ЕСКЕ АЛЫНДЫ

Ауғанстан жерінен Кеңес әскерінің шығарылғанына 37 жыл толуына орай ауданымызда Ауған соғысына қатысқан интернационалист жауынгерлерді еске алу шарасы өтті.

Тағзым алаңында ұйымдастырылған жиында ерлікпен қаза тапқан батырларымыздың рухына тағзым жасалып, ескерткішке гүл шоқтары қойылды. Іс-шараға ардагерлер, қоғам өкілдері, жастар қатысты.

Аудан әкімінің орынбасары Бектас Нуридинов сөз сөйлеп, ауған жерінде жауынгерлік борышын адал атқарған азаматтардың ерлігі ел жадында мәңгі сақталатынын атап өтті. Сонымен қатар, елге аман оралып, бейбіт өмірде еңбек етіп жүрген интернационалист ардагерлердің қайсарлығы кейінгі ұрпаққа үлгі екені айтылды.