АУДАН ДАМУЫНДАҒЫ ОРТАҚ МІНДЕТТЕР ПЫСЫҚТАЛДЫ

Бүгін «AMANAT» партиясы облыстық филиалының төрағасы Жандос Базартай Жаңақорған ауданындағы жұмыс сапары барысында аудан әкімі Мәжит Самитовпен кездесіп, ауданда партия жобалары мен сайлауалды бағдарламасының орындалуы және «AMANAT» партиясының ұйымдастыруымен өткен ауыл әкімдерінің диалог-платформасында Президент жүктеген міндеттерді іске асыру мәселелерін талқылады.
Аудан әкімі Мәжит Самитов партияның сайлауалды бағдарламасының және Президент тарапынан қолдау тауып отырған «Жер аманты», «Ауыл аманаты» жобаларының аудан көлемінде орындалу деңгейі туралы кеңінен ақпарат берді.
Партияның облыстық филиалының төрағасы аудан әкімінің жұмысына сәттілік тілеп, партияның алдағы кезеңге арналған жоспарларымен бөлісті.