Қысқы мезгілдегі судағы және мұздағы қауіпсіздік шаралары түсіндірілді

Қысқы кезеңде су айдындарындағы және мұз үстіндегі қауіпсіздік талаптарын сақтау мақсатында аудан аумағында бірлескен рейдтік іс-шара ұйымдастырылды. Аталған іс-шара Аудан әкімдігі, Аудандық төтенше жағдайлар бөлімі, «AMANAT» партиясы партиялық бақылау комиссиясы және “Жастар ресурстық орталығы” КММ-нің бірлесуімен өткізілді.

Рейд барысында балықшыларға қыс мезгілінде мұз үстінде қауіпсіз қозғалу, мұздың қалыңдығын тексеру, құтқару құралдарын пайдалану, сондай-ақ төтенше жағдайлардың алдын алу бойынша жан-жақты түсіндірме жұмыстары жүргізілді. Қатысушыларға сақтық шараларын қатаң сақтау қажеттігі ескертіліп, ақпараттық жадынамалар таратылды.

Аталған рейдтік іс-шараның басты мақсаты – азаматтардың өмірі мен денсаулығын қорғау, жазатайым оқиғалардың алдын алу және қысқы кезеңде қауіпсіздік мәдениетін қалыптастыру. Осындай профилактикалық жұмыстар алдағы уақытта да жүйелі түрде жалғасын табатын болады.