Енді әдемі нөмірді кезекке тұрмай, онлайн алуға болады

Фото: Ашық дереккөз
5 қаңтардан бастап автокөлік иелеріне нөмірдегі сандар мен әріптерді қалауынша таңдау мүмкіндігі берілді. Бұл жаңалық жүргізушілер арасында үлкен қызығушылық тудырып, ел бойынша халыққа қызмет көрсету орталықтарында ұзын-сонар кезек пайда болды, деп хабарлайды Egemen.kz.
Вице-министр Ростислав Коняшкиннің сөзінше, бір күнде 11 мың адамның ағылуына тек жаңа қызмет қана емес, мерекелік демалыстардан кейінгі жиналып қалған жұмыстар да әсер еткен.

«Егер қателеспесем, 5 қаңтар күні ел бойынша әдемі нөмірлерге 11 мыңға жуық өтініш берілді. Біз өз тарапымыздан дәл осы қызмет бойынша операторлар санын көбейттік. Бұл ажиотаж тағы 1-2 күн жалғасуы мүмкін, бірақ біз осы аптада eGov арқылы онлайн-режимді іске қосамыз».

Ростислав Коняшкин бұл жағдайдың цифрлық қызметтердің қаншалықты қажет екенін көрсетіп бергенін атап өтті.