Халыққа қызмет көрсету орталығы мереке күндері қалай жұмыс істейді

«Азаматтарға арналған үкімет» халыққа қызмет көрсету орталықтарының мереке күндеріндегі жұмыс кестесі туралы айтты, деп хабарлайды Egemen.kz.

«1,2 мамырда Қазақстан халқының бірлігі күнін мерекелеуге байланысты ХҚО жұмыс істемейді. Ал 3-6 мамыр аралығы – жұмыс күндері», деп мәлімдеді «Азаматтарға арналған үкімет» КЕАҚ баспасөз қызметі.

Отан қорғаушылар күні мен Жеңіс күні – 7, 8, 9, 10 мамыр да демалыс болып саналады.
Айта кетейік, мемлекеттік қызметтердің 96%-ын халыққа қызмет көрсету орталықтарына келмей-ақ алуға болады. Құжаттар рәсімдеу дәлірек айтқанда eGov мобильді қосымшасы, eGovKzBot2.0 Telegram боты және Egov.kz электронды үкімет порталы арқылы онлайн режимінде қолжетімді.