Ақын Ерсұлтан Мұстафаевтың шығармашылық кеші өтті

Бүгін Манап Көкенов атындағы аудандық мәдениет үйінде ақын, қаламы қарымды, жүрегінен жыр төгілген, тілдің мәйегін тербеткен Ерсұлтан Мұстафаевтың шығармашылық кеші жоғары деңгейде өтті. Жырсүйер қауым ақынның жаңа өлеңдерін тыңдап, рухани кештен ерекше әсер алды.
Шара барысында аудан әкімінің орынбасары Нуридинов Бектас Балғабайұлы сөз сөйлеп, ақынның ауданның әдеби-мәдени дамуына қосқан үлесін атап өтті. Сондай-ақ, аудан әкімінің Алғыс хатын және арнайы сый-сыяпатын табыстап, шығармашылық жолына жаңа табыстар тіледі.
Ерсұлтан Мұстафаевтың поэзиясы - елдің рухани байлығы, жастарға өнеге, ұлттық құндылықтарды дәріптеудің айқын үлгісі.
Кешке қатысқан барша жыр сүйер қауымға әсем әннен алқа тағылып, ақынның жүрек тербетер өлеңдері оқылды.