РУХАНИЯТ ОРТАЛЫҒЫНДА МАЗМҰНДЫ ДӨҢГЕЛЕК ҮСТЕЛ ӨТТІ
Бүгін Руханият орталығында 16 желтоқсан – Қазақстан Республикасының Тәуелсіздік күніне орай «Тәуелсіздік тұғырым» тақырыбында тағылымды дөңгелек үстел өтті.
Жиынға аудан әкімінің орынбасары Бектас Нуридинов, аудандық қоғамдық даму бөлімінің басшысы Әбілғазы Төлегенов, желтоқсан оқиғасының қатысушылары, зиялы қауым өкілдері, ардагерлер мен жастар қатысты.
Кездесу барысында желтоқсаншыларға аудан әкімінің атынан құттықтау хаты табысталып, сый - құрмет көрсетілді.
Шара соңында желтоқсан оқиғасының қатысушылары Дина Ахметова мен Ерубай Қалдыбек өз естеліктерімен бөліссе, Жаңақорған кенті ардагерлер кеңесінің төрағасы Серхожа Идирисов Желтоқсан оқиғасының ел тарихындағы маңызы зор кезең екенін атап өтті.
Сондай-ақ аудандық кітапхананың ұйымдастыруымен тақырыптық кітап көрмесі көпшілік назарына ұсынылды.
