БЕЛБЕУ КҮРЕСІНЕН ҰЛДАР МЕН ҚЫЗДАР АРАСЫНДАҒЫ ҚР ЧЕМПИОНАТЫ БАСТАЛДЫ
Бүгін Жаңақорған кентінде Ұлы Отан соғысының ардагері Ахмет Шынтайұлын еске алуға арналған "Алыш" белбеу күресінен 23 жасқа дейінгі ұлдар мен қыздар арасындағы Қазақстан Республикасының VII ші чемпионаты басталды.
Шараның ашылу салтанатында аудан әкімінің орынбасары Бектас Нуридинов, облыстық мәслихат депутаты Жорабек Нурымбетов Ұлы Отан соғысы және Еңбек ардагері, "Қызыл Жұлдыз" орденінің иегері Ахмет Шынтайұлының өнегелі өмір жолдары мен өшпес еңбектері жайлы сөз қозғап, турнирге қатысушыларға сәттілік тіледі.
Республика көлемінде өтіп жатқан жарысқа Алматы, Ақтөбе, Ақмола, Атырау, Абай, Жамбыл, Қызылорда, Түркістан, Қостанай, Павлодар, Жетісу облыстарыан және Астана, Шымкент, Алматы қалаларынан барлығы 13 командадан 100 ден астам спортшы қатысуда.
