БЕЛБЕУ КҮРЕСІНІҢ ЖАЛАУЫ ЖАҢАҚОРҒАНДА ЖЕЛБІРЕДІ

Кеше Ұлы Отан соғысының ардагері Ахмет Шынтайұлын еске алуға арналған Белбеу күресінен 2001-2002 ж.т. жасөпірім ұлдар және қыздар арасындағы Қазақстан Республикасының Чемпионаты басталды. Жарысқа еліміздің 9 облысы және 2 қаласынан 140 спортшы 17 салмақ дәрежесінде жүлделі сарапқа салуға келді. Жарыстың ашылуында сөз алған аудан әкімі қатысушыларға сәттілік тіледі.  
Айта кетейк, белбеу күресі Сыр елінде, әсіресе Жаңақорғанда жақсы дамып келеді. Атап айтар болсақ, біздің балуандар Әлем, Азия және ел біріншіліктерінде олжасыз қайтқан емес. Мәселен, Алдаберген Нұрлыбек, Мереке Құдайбергенова, Меруерт Әбубәкір, Дианға Ғайбулла және басқа саңлақтар облыс мерейін тасытып жүр. Ендігі үміт жасөспірімдердің қолында. 
Жарыс 27 қыркүйек күні қорытындыланады. Жерлес балуандарға жанкүйер болайық!