Бүгін әріптесім Мархабат Жайымбетовпен бірге Жаңақорған ауданына арнайы іссапармен барып, Жайылма ауылындағы «Шоқымазар» шаруа қожалығының егіс алқабында болдық.
Ауыл шаруашылығын дамыту, өнім көлемін арттыру, жаңа технологияларды енгізу – басты мақсатымыз. Ең бастысы – жергілікті дихандардың ұсыныс-тілектерін тыңдап, олардың ой-пікірін ескеру.
«Шоқымазар» шаруа қожалығы 2004 жылы құрылған. Қазіргі таңда шаруашылықты Әлімбай Аян есімді азамат басқарып отыр. Жалпы 21 отбасы еңбек ететін қожалықтың 492 гектар жері бар, соның 124 гектары – егістік.