Бүгін аудан әкімі Мажит Самитов Өзгент ауылындағы "Қыр Өзгент" шаруақожалығының егістік алқабында болды.
Шаруашылық 2015 жылы құрылған. Негізгі бағыт – егін және мал шаруашылығы. Биылғы жылыда аталған шаруашылық ротация тәртібін сақтай отырып, негізгі дақыл күріш пен ақ егістің көлемін толық орналастырған.
Мұнан кейін аудан басшысы Қожакент ауылдық округіндегі "Нұрбол И" шаруа қожалығының егістік алқабында болды. Шаруа қожалық төрағасы – Үсенов Изатулла 15 адамды жұмыспен қамтып отыр. Шаруашылық 2024 жылы барлығы 300 гектар күріш егіп, межеленген жоғары өнім алуға қол жеткізсе, биыл 200 гектарға жуық күріш егілді.
Өзгент ауылдық округіне қарасты "Қыр Өзгент" шаруа қожалығындағы және Қожакент ауылдық округіндегі "Нұрбол И" шаруа қожалығындағы күріш егістіктеріндегі атыз басындағы су кезектіліктерінің реттілігін көрген аудан басшысы жерді лазерлі тегістеуден өткізу мәселесіне ден қою қажетігін ескертіп, ауыл әкімдері мен сала мамандарына күріш егістігін суға бастыруды межелі мерзімде аяқтауды тапсырды