Қазақстандықтарды алдағы аптада табиғаттың тосын мінезі күтіп тұр

Алдағы аптада, атап айтсақ 17-19 маусым аралығында елімізде күн райы күрт бұзылмақ.
Мәселен, синоптиктердің хабарлауынша солтүстік өңірлерде күндізгі температура 20–31°С шамасында сақталып, салыстырмалы түрде салқын болады. Орталық аймақтарда аптап ыстық күтіледі — сынап бағанасы 42°С-қа дейін көтеріледі, ал 19 маусымда 27–32°С-қа дейін төмендейді. Шығыста ауа температурасы 40°С-қа дейін жетіп, қатты ыстық болады. Оңтүстік-шығыс өңірлерде де 42°С-қа дейін аптап ыстық күтіледі. Оңтүстікте күндіз 43–46°С аралығында өте ыстық болады, кейін температура 30–38°С-қа дейін төмендейді.
Синоптиктер мұндай ыстық күндері көпшілікке көбінесе көлеңкеде жүруге, бөтелкемен су алып жүруге кеңес береді.