Бүгін "Руханият" орталығында «Баланың әл-ауқаты — мемлекеттің қамқорлығы» атты дөңгелек үстел өтті. Шараға аудан әкімінің орынбасары Бектас Нуридинов, аудандық прокуратураның аға прокуроры Берік Байсбаев, аудандық білім бөлімінің басшысы Нариман Жакудаев, аудандық мәслихат депутаты Лаура Бибасарова және оқушылар қатысты.
Кездесу жиынында мектеп оқушылары ауыл мектептеріндегі санитарлық жағдай, спорт инфрақұрылымы, интернет сапасы, кітапхана қорлары және үйірмелердің жетіспеушілігі секілді өзекті мәселелерді көтерді. Аталған мәселелер назардан тыс қалмайтынын және ұсыныстардың іске асырылуына барынша күш салатынын жеткізді.
«Ашық микрофон» форматында өткен шара билік пен жастар арасындағы еркін әрі сенімді диалог алаңына айналды. Жиналған ұсыныстар тиісті мекемелер арқылы жүзеге асырылады деп жоспарлануда.