НАУРЫЗ МЕЙРАМЫ КӨРІСУ КҮНІНЕН БАСТАУ АЛДЫ

«Руханият» орталығының алаңында
14 наурыз – «Көрісу» күніне арналған мәдени шара ұйымдастырылды. Аудандық мәдениет үйі өнерпаздары дайындаған театрландырылған көрініс көпшілік назарына ұсынылып, «Жақсыгүл» әжелер ансамблі мен аудан өнерпаздары ән-жырдан шашу шашты. Орталық алаңда киіз үйлер тігіліп, «Алтыбақан» орнатылды. Ұлттық салт-дәстүрлерден көріністер көрсетіліп, қолөнер шеберлерінің көрмесі көпшілік назарына ұсынылды.
Еңбек пен ырыстың, ізгілік пен жақсылықтың жарқын мерекесі саналар Ұлыстың ұлы күні – «Наурыз» мерекесі осылай бастау алды.
Береке-бірліктің, ырыс-ынтымақтың мерекесі – «Көрісу» күні құтты болсын!
Шаңырақтарыңыз шаттық пен қуанышқа, әрбір жасаған істеріңізге береке, жақындарыңызға амандық тілейміз! Жақсы адамдармен көрісіп, жақсы амалдармен бөлісіп жүрейік!