Облыстан олжалы оралдық
Қызылорда облысының білім басқармасы Тәрбие, спорт және қосымша білім беру орталығының жылдық іс-шаралар жоспарына сәйкес, мектеп оқушылары арасында әскери қолданбалы спорт түрлерінен «Әскерге шақырылушы-2025» облыстық сайысы мәреге жетті. Қармақшы ауданы №30 мектеп базасында өткізілген аймақтық спорт сайысында жаңақорғандық жастар қоламен қуантты.
Алдымен «Әскерге шақырылушы-2025» әскери-патриоттық сайысы аудандық деңгейде өтіп, үздіктер іріктелді. Шалхия кенті, №86 мектеп базасында өткізілген спорттың сында әр аймақтан құралған 7 бірдей команда бақ сынады.
Орталық аймағы (№163, 195, 289 және Абдуллаев мектебі), Ордакент аймағы (№3, 169, 193, «Жұмаділлә» және «Зерек» мектебі), Сығанақ аймағы (№52, 53, 162 мектеп), Ынтымақ аймағы (№86, 164, 208, 221, 254 мектеп), Тау аймағы (№54, 161, 239 мектеп), Сыр аймағы (№167, 168, 196, 213, 224, 245 мектеп), Аққорған аймағы (№184, 192 мектеп) командаларынан ұлдар қатысты.
Мектептің спорт залында мектеп командалары сапқа тұрғызылып, ҚР Мемлекеттік туы енгізіліп, мемлекеттік гимн орындалды.
№86 мектеп директоры, Жаңақорған ауданы бойынша білім бөлімінің әдіскері Қайбрахман Еркінов, №163 мектеп АӘТД пәні оқытушы-ұйымдастырушысы Қуаныш Әбіләкимов салтанатты жиынды ашып, сайысқа қатысушы мектеп командаларына сәттілік тіледі. №192 мектеп АӘТД пәні оқытушы-ұйымдастырушысы Арман Егембердиев сайыстың ережесін таныстырып шықты
Сайыс бағдарламасы бойынша пневматикалық винтовкамен нысана ату, пневматикалық винтовкамен жылдамдыққа нысана ату, АК-74 М оқу қаруын жартылай бөлшектеу/ жинақтау, АК-74 М оқу қаруының оқжатарын патрондармен жарақтау, жалпы әскери қорғаныш жиынтығын кию, әскерилендірілген эстафета, кермеде тартылу, арқан тарту сайысы бойынша оқушылар сынға түсіп, үздіктерді анықтады.
Сонымен сайыс қорытындысы бойынша бас жүлде Аққорған аймағығына бұйырса, 1-орынға Тау аймағы тұрақтады. 2-орын Ынтымақ аймағының еншісіне кетсе, 3-орынға Сыр аймағы лайықты болды Сайыстың қорытынды бөлімінде орын алған жеңімпаз командалар мен үздік нәтиже көрсеткен оқушыларға білім бөлімінің дипломдарымен медальдарымен табысталып, сайыс бағдарламалары бойынша үздіктер облыстық кезеңге жолдама алды. Аудандық сайыстың жоғары дәрежеде өткізілуіне атсалысып, керек құрал жабдықтармен қамтамасыз еткен №86 мектеп ұжымына және АӘТД пәні оқытушы-ұйымдастырушысы А.Шайдаровқа және мектеп директоры тәрбие ісі жөніндегі орынбасары А. Дүйсекеев бірлестіктің атынан алғыс білдірді.
Сыр аймағы жастарын әскери-патриоттық бағытта тәрбиелеу, өскелең ұрпақтың бойында Отансүйгіштік пен патриоттық қасиеттерді қалыптастыру мақсатында ұйымдастырылған шараға Арал, Қазалы, Қармақшы, Жалағаш, Сырдария, Шиелі, Жаңақорған аудандары және Қызылорда қаласынан 8 команда сынға түсіп, бақтарын сынады. Сайыстың қорытындысымен жалпы командалық есепте Жаңақорған ауданы құрама командасы жүлделі ІІІ-орын иеленіп, аудан мерейін асырды. Осымен осы оқу жылында үшінші рет облыстық сайыста аудан құрама командасы жүлделі орындарға ие болды.
Облыстық сайысқа қатысқан Жаңақорған ауданы құрама команда мүшелерінің қатарында Арман Егембердиев жетекшілік ететін №192 мектеп оқушысы Өтеп Бибарыс пен Құнанбай Таңатбекұлы, Ербол Бекаев баптайтын Ақтөре Нұрмахан (№213 мектеп) мен Бақытжан Нұрмышовтың шәкірті Шапағат Ералыұлы (№221 мектеп) болды. Сондай-ақ, Ерлан Қалқожаевтың төл шәкірті Рахман Мінайдар (№224 мектеп ) мен Уалихан Есдаулетовтің оқушысы Мәнсүр Тавбасар (№289 мектеп) та команданың құрамында өнер көрсетті. Айта кететіні, аудан командасының жектешісі АББ АӘТД пәні әдіскері: Қайбрахман Еркінов пен Арман Егембердиев.
Арман ЕГЕМБЕРДИЕВ,
бірлестік жетекшісі
