«ТАЗА ҚАЗАҚСТАН»: ЖАҢАҚОРҒАНДЫҚ КОЛЛЕДЖ СТУДЕНТТЕРІ ҮШІН ЭКОЛОГИЯЛЫҚ СЕМИНАР ӨТКІЗІЛДІ

Жаңақорған аграрлық-техникалық колледжінде «Таза Қазақстан» экологиялық бағдарламасы аясында «Қоғамдағы экологиялық сауаттылық және экологиялық мәдениет» тақырыбында экологиялық семинар өтті.

Семинарға Қызылорда облысының «Волонтёрлер фронт-офис» жетекшісі Болатбек Серікбайұлы Әйтбенбетов арнайы қатысып, студенттерге табиғаттың адам өміріндегі маңыздылығын насихаттай отырып, оны аялауға, сақтап қорғауға өз үлестерін қосуға шақырды.

Шара соңында қатысушылар спикерге сұрақтарын қойып, көптеген жаңа деректер алғанын жеткізді.