Үндістанда қазақ күресінен әлем чемпионаты өтпек

Фото: Qazaq Kuresi
Үндістанда қазақ күресінен әлем чемпионаты өтеді, деп жазды "Жаңақорған тынысы" газетінің сайты хабарлайды "Адырна" ұлттық порталына сілтеме жасап.
25 ақпан күні Үндістанның Дели қаласында қазақ күресінен ересектер арасындағы әлем чемпионаты басталады.
Биылғы чемпионатқа 200-ге жуық спортшы қатысуға өтініш берген. Нақтырақ, Әзербайжан, Аргентина, Бразилия, Эстония, Грузия, Нидерландия, Иран, Италия, Жапония, Қазақстан, Қырғызстан, Молдова, Мексика, Польша, Моңғолия, Сербия, Тәжікстан және Өзбекстан мемлекеттерінің балуандары бар.
Ұлттық құрама командасы бұл додада ел намысын қорғайды. Бекжан Төлепов, Жұмажан Қожамбеков, Мұзаппаров Ерсұлтан, Нұрдәулет Жарылғапов, Сарипова Зарина, Нұрмахамметова Рауза, Нысантайқызы Роза спортшыларымыз өнер көрсететін болады.
Қазақ күресі - қазақтың ұлттық спортының бірі.
Дереккөз: adyrna.kz