Балуандар бозкілем төрінде

Қызылорда қаласында қазақ кү­ре­сінен ересектер арасында ел чемпионаты басталды. «Евразия» спорт кешенінде өтетін ел біріншілігіне 500-ге жуық спортшы 16 салмақ дәрежесінде шеберлік сынасады. Сыр өңірінің намысын 40 спортшы қорғайды.
Дүбірлі бəсекеге елдің тəжірибелі балуандары қатысады, олардың қатарында қазақ күресінен 4 дүркін Əлем чемпионы Айбек Нұғымаров, Əлем чемпионы Мұхит Тұрсынов, 2 дүркін Əлем чемпионы Ғалымжан Абдрахманов, Азия чемпионы Мақсат Исағабылов пен Нариман Тұтқы­шев, Қазақстан чемпионы Нұрым Сəлімгереев те бар. Ал біз 78 келіден жоғары салмақ дәрежесінде жерлесіміз Меруерт Әбубәкірден алтын күтеміз. Жанкүйер болайық.