Жаңарықтағы "Жайлы мектеп"

Бүгін "AMANAT" партиясы аудандық филиалының төрағасы аудандық Партиялық бақылау комиссиясының мүшелерімен бірге Партияның Сайлауалды бағдарламасына енгізілген, партиялық бақылау бекеті орнатылған Жаңарық ауылдық округіндегі «Жайлы мектеп» жобасы аясында салынып жатқан 300 орындық мектеп құрылысы барысымен танысты.
2023 жылдың желтоқсан айында бастау алған мектеп құрылысын «Алтын Айдарлы» ЖШС - і жүргізуде. Жоба құны - 2,6 млрд. теңге.
Құрылыс басында 120 жұмысшы жұмыс жасауда. Оның 30-ға жуығы жергілікті жерден қамтылған.
Қазіргі таңда құрылыс жұмыстары 80% - ға аяқталып тұр.
Мектеп 2024 жылдың соңына дейін пайдалануға берілді деп жоспарлануда.
Партиялық бақылау комиссиясының мүшелері құрылыс нысанының жұмыстарын жүргізіп жатырған мердігер компанияның жауапты өкіліне құрылыс жұмыстары сапалы және уақытылы тапсырылу керектігін айтып өтті.