Ризабек Айтмұхан еркін күрестен үш дүркін әлем чемпионы атанды
Еркін күрес шебері Ризабек Айтмұхан 23 жасқа дейінгі жасөспірімдер арасында өткен әлем чемпионатында жеңіске жетті.
97 келі салмақ дәрежесіндегі финалда ол ирандық қарсыласын айқын басымдықпен жеңді. Былтыр Айтмұхан ересектер арасындағы әлем чемпионатында 92 келі салмақ дәрежесінде чемпион атанған еді. Бұл Қазақстан тарихындағы еркін күрестен алғашқы алтын медаль.
Биыл 20 жастағы Айтмұхан 20 жасқа дейінгі жасөспірімдер арасында да әлем чемпионы атанды. Ол болашақта Олимпиада алтынын жеңіп алу үшін бар күш-жігерін салатынын уәде етті.
