НАЗЕРКЕ ӘЛЕМ ЧЕМПИОНЫ АТАНДЫ
Қызылордалық шахматшы Назерке Нұрғали Дюррес (Албания) қаласында өткен шахматтан 15 жасқа дейінгі оқушылар арасында Әлем чемпионатында жеңіске жетті.
Албанияда оқушылар арасындағы әлем чемпионатына 40 елден 420 спортшы жүлделерді сарапқа салды. Айтулы жарыста Қазақстан құрамасы 4 алтын, 1 күміс, 2 қола медальдарды иеленді.
Чемпионат барысында жерлесіміз Назерке Нұрғали швейцар жүйесі бойынша классика түрінен 9 турдан 8 ұпай жинап, Әлем чемпионы атанды.
