Арамызда жүрген ардақты ардагерлер бар саналы ғұмырын еселі еңбекке арнап, бүгінде құрметті демалыста жүрген зейнеткерлер аз емес. Осындай ардагерлер арасында белсенді ұзақ өмір сүру қағидаларын кеңінен түсініп, түрлі спорттық шаралар ұйымдастырылып келеді.
Мереке қарсаңында «АМАNАТ» партиясы аудандық филиалының ұйымдастыруымен «Ардагерлерді ардақтайық» жобасы аясында партия ардагерлері арасында бильярдтан жарыс өтті.
Зейнеткерлер бұқаралық спортты, бильярдты дамыту бағытындағы шара барысында дәлдік пен ептіліктерін көрсетіп, өзара бақ сынасып, жақсы ойын өрнегін көрсетті. Шара соңында ардагерлерге аудандық партия филиалының төрағасы Арман Әбілпейсұлы ізгі тілегін білдіріп, сый құрмет көрсетті.
Қай кезде де халқының тілеуін тілеп, жұртына қамқор болатын қарттарымыз аман болсын! Біздің болашағымыз үшін жасаған адал еңбектеріңізге шын жүректен алғысымды білдіремін. Алланың берген жасын мазмұнды да мағыналы өткізе берулеріңізге тілектеспіз.