Аудандық Манап Көкенов атындағы мәдениет үйінде «Ардагерлерді ардақтайық» партиялық жобасы аясында Әшекей атындағы өнер мектебінің директоры, "Өнер" Бастауыш партия ұйымының төрағасы Қалдыбай Қошқарбаевтын 60 жас мерейтойы аталып өтті. Айтулы шараға, ауданның ардақты азаматтары мен өнердi бағалайтын көпшілік қатысып, мерейтой иесіне құрмет көрсетті. Шара барысында "AMANAT" партиясы аудандық филиалының төрағасы Арман Мажитов алғы сөз алып, мерейтой иесіне iзгi лебізiн бiлдiрiп, арнайы марапаттады.
- Біз сiздей ардагерлерімізді және олардың қоғамымызға қосқан үлесін мақтан тұтамыз. Сiздердiң даналықтарыңыз бен тәжірибелеріңiз бәріміз үшін баға жетпес мұра. Ұрпақтың ұлы мұраты жолында талмай еңбек етіп, кәсіби аманатты биік ұстаған ұстаз екеніңіздi көпшілік жақсы біледі. Сiзге зор денсаулық, ұзақ ғұмыр тілейміз, - деп жүрекжарды тiлегiн бiлдiрдi.
Сонымен қатар, шара аясында ауданның барша өнерпаздары мерейтой иесін құттықтап, керемет кешке ұласты.
Ия, бүгінде шәкірттерінің санасына білім сәулесін шашып жүрген құрметті ұстазымызға мықты денсаулық, отбасына амандық, жас ұрпақ тәрбиелеу жолындағы игі істеріне үлкен абырой, шығармашылық табыстар тілейміз!!