Мұғалімдерге сынып жетекшілігі үшін берілетін сыйақы 30 пайыз өседі
Еліміздің премьер-министрі Олжас Бектенов Қазақстанда 220 мыңнан астам сынып жетекшінің өтемақысы 30% артатынын айтты.
Премьер-министрдің айтуынша, сынып жетекшілер мектептегі буллингтің алдын алуда үлкен рөл атқарады. Ал сыйақылар ұстаздарды оқушылар арасындағы жанжалдар мен төбелестерді бақылап жүргуге ынталандырады деп санайды. 
“Жалақыны кезең-кезеңімен көтереміз. Бұл мәселе қазір талқыланып жатыр”, – деді Олжас Бектенов.
Премьер-министр буллингтің алдын алу үшін сенім телефоны жұмыс істейтінін еске салды.
Айта кетейік, бір жылда байланыс орталығының мамандары 18 500-ден астам әйел мен балаға көмек көрсетті. Барлық аймақта қолдау орталықтары жұмыс істейді. Сондай-ақ BalaQorgauBot2.0 чат боты және Balakorgau веб-сайты бар.
