Су тасқынынан зардап шеккендерге көмек көрсетіледі
Қазір елдегі апатты жағдайларға байланысты шұғыл жұмыстар атқарылуда. Бұл жағдайды Мемлекет басшысы да қатаң бақылауда ұстауда. Бүгін ҚР Премьер-Министрі Олжас Бектенов Мемлекет басшысы Қасым-Жомарт Тоқаевтың төрағалығымен өткен жедел кеңестің қорытындысына қатысты пікір білдірді. Бұл жөнінде ҚазАқпарат агенттігі жариялады.
«Мемлекет басшысы су тасқынына байланысты жағдай бойынша жедел кеңес өткізді. Үкіметте Премьер-Министр басқаратын республикалық штаб құрылды. Барлық сұрақтар тәулік бойы бақылауда болады. Кінәлі лауазымды тұлғалар тәртіптік жауапкершілікке тартылады. Су тасқынынан зардап шеккен азаматтар қараусыз қалмайды. Барлық шығын өтеледі», – деді Олжас Бектенов.
