Үкімет басшысы Қызылорда облысының оң тәжірибесін атап өтті
Үкімет отырысында ҚР Премьер-министрі Олжас Бектенов Қызылорда облысының қатты тұрмыстық қалдықтарды өңдеу саласындағы оң тәжірибесін атап өтті.
«Кәсіпорындардың көпшілігі қайталама шикізатты жинаумен, оны буып-түйіп, шетелге сатумен ғана айналысады. Ал, қалдықтарды қайта өңдеп, түпкілікті өнім шығарушылар аз. Қызылорда облысында әрбір аудан қалдықтарды қайта өңдеуге қатысты өз жобаларын іске асыруда. Осындай оң тәжірибелер әр өңірде болуы керек», – деді Үкімет басшысы.
