ШТАБ МҮШЕЛЕРІ БАЙКЕНЖЕ, ЖАҢАРЫҚ, ӘБДІҒАППАР ЕЛДІМЕКЕНДЕРІНІҢ ТҰРҒЫНДАРЫМЕН КЕЗДЕСТІ

АЭС құрылысын қолдау жөніндегі аудандық штаб мүшелері Ғалымжан Жарқынбекұлы, Баян Үсейінова, Наурызбай Орынбасаровтар Байкенже, Жаңарық, Әбдіғаппар ауылдарының тұрғындарымен кездесіп, атом электр станциясының ел экономикасына тигізетін әсерін талқылады.

Кездесу барысында дамыған елдердің тәжірибесіне сүйеніп, электр энергиясын өндіруде АЭС-ның рөлін айтты. Сонымен қатар АЭС құрылысы елдің экономикасы мен энергетикалық қуатын арттыратынын тілге тиек етті.

Кездесуде тұрғындар АЭС салу бойынша сұрақтарын қойып, штаб мүшелерінен тиісті жауаптарын алды.