Қырғызстанда қызды ұрлап, өлтіріп кеткен оқиғадан соң Біріккен ұлттар ұйымы алаңдай бастады.Қырғыз елінде 24 жасқа дейінгі қыздардың  13,8 %-ын күштеп алып қашқан, деп жазады sputnik.
“Қырғызстандағы Біріккен Ұлттар Ұйымы бұл заңсыз әрекетті жоюды қолдайды және оны 2022 жылға дейін Қырғызстан үкіметі қол қойған келісімге сәйкес басымдықтардың бірі деп таниды”, — делінген мәлімдеме мәтінінде.
 
БҰҰ мәліметінше, қыз алып қашу және адамды еркінен тыс үйлендіру оның жеке бас құқығын бұзуға жатады. Бұл қырғыздардың салт-дәстүріне сай емес. Сондықтан БҰҰ Қырғызстан үкіметін халықаралық шарттар мен ұлттық заңның орындалуын қолға алуға шақырады.