МӘЖІЛІСМЕНДЕР «РУХАНИЯТ» ОРТАЛЫҒЫНЫҢ ҚҰРЫЛЫСЫМЕН ТАНЫСТЫ
Бүгін ҚР Парламенті Мәжілісіндегі «AMANAT» партиясы фракциясының мүшелері Мұрат Ергешбаев пен Мархабат Жайымбетовтың Жаңақорған ауданындағы іс - сапары «Руханият» орталығының құрылыс жұмыстарымен танысумен жалғасты.Тарихи-мәдени, рухани ұйымдарды бір ортаға тоғыстырған «Руханият орталығының» құрылыс жұмыстары ағымдағы жылдың наурыз айында бастау алып, халық игілігіне 2024 жылдың желтоқсан айында пайдалануға беру жоспарлануда.
Ғимарат екі қабатты, жалпы ауданы – 4850 шаршы метр, жалпы алаңы – 1816 шаршы метр. Құрылыс жұмыстарын жүргізіп жатқан «Астана сервис Ltd» ЖШС-і өкілдері атқарылуға тиіс жұмыстардың жоспар бойынша жүріп жатқандығын айтты.
Фракция мүшелері құрылыс жұмыстарын сапалы жүргізуді, мемлекет қаржысын тиімді игеруді, уақытылы аяқтауды тапсырды.#AMANAT
