«AMANAT» партиясының ҚР Парламенті Мәжілісіндегі «AMANAT» партиясы фракциясының мүшесі Мархабат Жайымбетовтің бүгінгі Жаңақорған ауданындағы келесі сапары Хорасан Ата кесененісіне жүргізіліп жатқан құрылыс жұмыстарымен танысумен жалғасты.
Хорасан ата кесенесі Жаңақорған ауданы орталығынан 40 шақырым қашықтықта орналасқан. Хорасан Ата кесенесіне 2006-2007 жылдары қайта жаңғырту және қайта қалпына келтіру жұмыстары жүргізілген болатын. Хорасан Ата мазарындағы Қағба көшірмесінің өлшемі - әлемнің төрт бұрышына қарап салынған, қабырғаларының ұзындығы 6,5х6,5 м, биіктігі 5 м шамасында. Қағбаның көшірмесі бұрыңғы орнының үстіне 1995 жылы қайта қалпына келтірілген. Қағбаның ішінде байырғы дуалдардың ізі сақталған. Қағба көшірмесінің солтүстігіндегі құдықтан зиярат етушілердің су алып ішуі де зиярат ету ғұрыптарының бірі.
Қасиетті мекенді тамашалап, ғибадат етуге баратындардың саны көбеймесе, азайған емес. Оның үстіне бабаның ұрпақтары барар бағытқа тақтайдай тегіс асфальт төсеп, қажетті белгілерді орнатып қойған.
Қазіргі таңда ауданымыздағы демеушілер есебенін Қасиетті мекенге қайта жаңарту жұмыстары жүргізіліп жатыр.