Астанадағы ШЫҰ саммиті - елдіктің биік мәртебесі
Фото: baq.kzЕуразияның жүрегінде орналасқан Астанада Қазақстанның төрағалығымен Шанхай ынтымақтастық ұйымының саммиті өтуі ел мәртебесінің әлемдік деңгейде көтерілуінің бірден-бір дәлелі. Оған саммиттің ашылуынада мемлекет басшысының айтқан сөзі де дәлел.
- Ширек ғасырға жуық уақыт ішінде біздің ұйым халықаралық қатынастар жүйесінің маңызды тетігіне айналды және жалпы прогрестің тұрақты өсуін қамтамасыз етуге елеулі үлес қосып келеді. Саясат пен қауіпсіздік, экономика және мәдениет саласындағы өзара жемісті іс-қимыл біздің елдеріміз бүкіл Еуразия континентінің даму векторын белгілейді. Шанхай рухын нығайту және Шанхай принциптерін ілгерілету арқылы біз ШЫҰ-ны ең ықпалды және беделді халықаралық құрылымдардың біріне айналдырдық, – деді президент.
Жалпы, ШЫҰ маңызды ұйымның бірі. Оған мүшелік ету мемлекеттің басқа бауырлас елдермен тығыз қарым-қатынаста болуға оң көзқараста екенін аңғартады. Ал, саммиттің біздің басқаламызда өтуі – елдіктің биік мәртебесі екені анық.
