Жаңақорған аудандық білім бөлімінің басшысы тағайындалды
Қызылорда облысының білім басқармасы басшысының 30.05.2024 жылғы № 51-ЖҚ бұйрығымен арнайы тексеріс нәтижесі келгенге дейін мемлекеттік әкімшілік лауазымымен көзделген міндеттерді атқару үшін "Жаңақорған ауданы бойынша білім бөлімі" коммуналдық мемлекеттік мекемесі басшысының міндетін атқарушы болып Нарымбет Сәрсенбекұлы Көлжанов тағайындалды.Нарымбет Сәрсенбекұлы 1966 жылы дүниеге келген. Білімі жоғары. Мамандығы “Тарих және қоғамтану” пәні мұғалімі.
Еңбек өтілін 1993 жылы №53 А. Д. Романов атындағы орта мектептің мұғалімі болып бастап, 1995 жылы аталмыш мектеп директорының тәрбие ісі жөніндегі орынбасары, 1997-2000 жылдар аралығында Жаңақорған ауданы, Төменарық ауылдық округінің әкім аппаратында іс басқарушы, 2000-2023 жылдар аралығында №53 А.Д. Романов атындағы орта мектепте педагог-психолог, тәрбие ісі жөніндегі орынбасар, мектеп директоры қызметтерін абыроймен атқарған.
Нарымбет Сәрсенбекұлы білім саласында қажымай еңбек атқарып, ҚР білім беру саласындағы ерекше еңбегі үшін "Білім беру ісінің құрметті қызметкері" төсбелгісімен марапатталған.
