Жайық өзеніндегі су деңгейі қауіпті деңгейден асып кетті
Атырау облысында су тасқыны салдарымен күрес жалғасып жатыр
Атырау облысы әкімінің баспасөз хатшысы Руслан Жұмағазиев хабарлағандай, Құлсарыда сорылған судың жалпы көлемі 4,3 млн текше метрден асады. 2 900 үйден су толығымен сорылған. Болашақ шағын ауданындағы 20 үй су астында қалған, оның 10-ы қоныстанбаған.
Тағы 30 тұрғын үй электр қуатына қосылған. Атырау шағын ауданында көпқабатты тұрғын үйлерге тоқ беру жұмыстары жүргізілуде.
Индербор ауылында су деңгейі қауіпті көрсеткіштен 87 см-ге асады. Қазіргі деңгейі 927 см. Махамбет кентінде – 880 см-ге, қауіпиі деңгейден 30 см-ге, Атырауда-507 см-ге 550 см-ге асады.
Ұзындығы 522 км, орташа биіктігі 2-ден 4,5 м-ге дейін жағалауды нығайтатын бөгеттерді салу бойынша жұмыстар жүргізілді.
Біздер топан судан зардап шеккен халық. Маңдай терімен, адал еңбегімен салған үйінің әділетті бағасы есептеліп, ақшаны қолымызға алғымыз келеді. Үйлерімізге әр шаршы метріне 400 000 теңгеден ақы төленіп, сол ақыны қолымызға алғымыз келеді, - дейді видеожазбадағы азамат.
“Және тағы бір реттік берілген 100 АЕК көлеміндегі көмекті осы халықтың мәселесі шешілгенге беруіңізді сұраймыз” дейді азаматтар.
Сондай-ақ шаршы метріне 400 мың теңге деген ұсыныс мәжіліс депутаты Әділ Жұбановтың ұсынысы екенін айтып, жиналғандар бір ауыздан “қолдаймыз” деп дауыстады.
