Биыл аудан бойынша 36 026 гектарға егiс егу межеленуде
Биыл аудан бойынша 36 026 гектарға егiс егу межеленуде. Оның ішінде негізгі күріш дақылы 6 035 гектарды құрайды. Жалпы ауданда ауыл шаруашылығы өндірісімен айналысатын 781 шаруашылық құрылымдарының 485-і егінмен айналысады. 175 шаруашылық күріш өсіруге ниетті.
– Ауданның ауыл шаруашылығы құрылымдары биылғы жылдың егісі үші 2 700 гектар күздік бидай егуді және 7300 гектар сүдігер айдауды қамтамасыз етті. Бірқатар шаруашылықтар тарапынан тамшылатып суару әдісі мен жаңбырлатып суару жүйесіне көшуге басымдық берілуде. Енді тұқым дайындауға келсек, 2024 жылдың егісі үшін шаруашылық құрылымдарының қолында 1 825 тонна күріш тұқымы бар. Ал, биыл қажетті минералдық тыңайтқыштардың көлемі 4567 тонна, оның ішінде 4392 тоннасы – азотты, 175 тоннасы фосфорлы тыңайтқыштар болса, қажетті гербицидтердің көлемі 2213 литрді құрайды. Қазіргі таңда шаруашылықтар тарапынан минералдық тыңайтқыштардың 960 тоннасы (21%) сатып алынды, – деді бас агроном Дәурен Абибуллаев.
Жауапты сала маманы көктемгі дала жұмысына 1 422 тонна дизель отыны бөлінгенін айтты.«Жібек Жолы LTD и К»ЖШС – 524 тонна, «Жаңақорған ОiI» ЖШС – 898 тонна. Сондай-ақ, 207 трактор, 38 соқа, 28 дән сепкіш, 21 автомашина, 52 трактор тіркемесі толығымен дайын екен.
Әлібек ЖАРЫҚБАЕВ
