Тәжірбие алаңында тәжірбиелі ұстаздар

Білім бөлімі басшысының міндетін атқарушы Бекжан Шахизатұлы тәжірибе алаңына қатысушы шығармашыл ұстаздарды жеке құттықтап, алғысын жеткізді.
2024 жылдың 2-5 қаңтары күндері аралығында Қызылорда облысы, Жаңақорған ауданының "Шипа" сауықтыру шипажайында «Өрлеу» БАҰО» АҚ филиалы Қызылорда облысы бойынша педагогикалық қызметкерлердің біліктілігін арттыру институты және Қызылорда облыстық Білім және ғылым қызметкерлерінің кәсіподақ комитетінің бірлесіп ұйымдастыруымен шығармашыл ұстаздардың түрлі бағыттар бойынша кәсіби байқаулар, шеберлік сыныптар, спорттық ойындар және мәдени шаралар облыстық «Тәжірибе алаңы» өткізілді.
Байқаудың мақсаты – таңдау курстарын, арнайы курстар, элективті курстар, оқу пәндерінің авторлық бағдарламалар құрастыратын үздік пән мұғалімдерінің тәжірибесін анықтау және тарату.
Ұстаздарымызға алдағы жұмыстарына сәттілік тілей отырып, алар асуларыңыз тек биік болуын тілейміз-деп бөлім басшысы тілегін білдірді