Бірлік ауылдық кітапханасында ауылымыздың тумасы, аудандық мәслихаттың депутаты, меценат Б.Берділлаевтың демеушілігімен коворкинг орталығының ашылу салтанаты өтті. Бақыт Бексұлтанұлының туған жерге тағзым етіп, бүгінгі таңда ауылдың көркейіп, өркендеп өсуі үшін жасап жатқан игі ісі, өскелең ұрпақ бойында отансүйгіштік, ұлтжандылық, еңбекқорлық қасиеттерін арттыратыны сөзсіз.
Коворкинг орталығы жастардың бос уақытын тиімді өткізетін, жаңа бастамаларын жүзеге асыратын, тың идеяларын талқылайтын алаңға айналмақ. Енді оқырмандар кітапханада кітап оқып қана қоймай, әңгіме-дүкен құрып, ой алмасып, топтасып келіп жұмыс жасап, кеңесе алады.Келушілердің демалуына жағдай жасалған қолайлы орын жұмсақ жиһаздармен жабдықталған.
Балалар аймағы — қызықты кітаптар мен журналдарды оқып, ойын ойнауға болатын демалыс аймағы. Бұл жерде балалардың оқыған кітаптары туралы пікірталастары, викториналық және логикалық ойындар, тоғызқұмалақ, шахмат, дойбы ойындарына
арналған құралдармен жабдықталған.
Өңір тұрғындары үшін жасалған керемет орталық үшін ауыл халқының, кітапхананың, кітапхана оқырмандарының атынан Бақыт Бексұлтанұлына шексіз алғысымызды білдіреміз.Отбасыңыз аман,деніңіз сау болсын.Еңбекте үнемі табысты бола беріңіз.