"Коворкинг орталығы" ашылды

Жаңақорған аудандық балалар кітапханасында "Коворкинг орталығы" ашылды.

Ағылшынның coworking сөзінің мағынасы – «бірлесе жұмыс жасау» ұғымын білдіреді. Мұндай орталықта балалардың бас қосып, бос уақытын көңілді әрі пайдалы өткізуіне мүмкіндік жасалған. Іс-шараға "Нұр Отан" партиясы Жаңақорған аудандық филиалы төрағасының бірінші орынбасары М.Балхожаев, Ә.Тәжібаев атындағы облыстық ғылыми кітапхана директорының орынбасары Б.Мырзахметова, аудандық мәдениет және тілдерді дамыту бөлімінің басшысы А.Айдосова, Жаңақорған аудан әкімінің әйелдер ісі, отбасы және гендерлік саясат жөніндегі кеңесшісі Ә.Қыстаубаева, тәрбие орталығының директоры А.Ержанов, мектеп оқушылары, кітапханашылар қатысты.