Бүгін М.Көкенов атындағы аудандық мәдениет үйінде Жаңақорған ауданы қоғамдық даму бөлімінің «Жастар ресурстық орталығы» КММ қолдауымен, Жаңақорған КВН филиалы мен «Қызылорда облысының жастар одақтары» қоғамдық бірлестігінің ұйымдастыруымен "Аудан әкімінің кубогі" сарапқа түскен жайдарман ойыны өткізілді.
Ойынға Кентау, Қызылорда қалалары мен Шиелі ауданынан және Жаңақорған ауданының кент, ауылдық округ мектептерінен 16 команда қатысты. Тартысты ойынның нәтижиесінде "Аудан әкімінің кубогі" және 70 000 тг қаржылай сыйақыны "Дарын" мектебінің командасы иеленді. ІІ орын 50 000 тг сыйақы - “Машбек" командасы, ІІІ орын 30 000 тг сыйақы - Шиелі құрамасы иеленді.