Кітапханашы – мәртебелі мамандық

️ Бүгінде рухани өміріміздің өзегі іспеттес ғылым мен білімді көпшілік оқырманға, ертеңгі ел тізгіні ұстар жас жеткіншек ұрпаққа насихаттауда, рухани мәдени байлығымызды ұрпақтан - ұрпаққа жеткізуде кітапханашы мамандардың орны ерек. «Адамды адам еткен – кітап, адамзат еткен – кітапхана» деп белгілі жазушы Әбіш Кекілбайұлы айтқандай, кітаптың қадір-қасиеті туралы қаншама ғұлама ежелден бері айтып келеді. Кітап қоры мол, кітапханасы бай елдің еңсесінің түскенін көрмедік деген сөздің астарында қаншама мағына жатыр. Міне, биыл екінші мәрте 24 қазан кітапханашылар күні аталып өтілуде. Осы мақсатта аудандық білім бөлімінің ұйымдастыруымен “Кітапханашы — мәртебелі мамандық” атты тақырыбында аудандағы білім беру ұйымдарының мектеп кітапханашыларының кәсіби мерекесіне арналған салтанатты шара өтті.