Еңбегім – туған еліме!
Қойнауы қазынаға толы, жері киелі, тарихы шежірелі Жаңақорған ауданы – Сыр өңіріндегі іргелі, алдыңғы қатарлы аудандардың бірі екені белгілі. Тамыры терең, тарихы кенен ауданымыздың 95 жылдық мерейтойымен тұспа-тұс келіп отырған халықтың рухани демеушісі, игі істердің хабаршысы «Жаңақорған тынысы» газеті ұжымына да өз атымнан алғысымды білдіремін.
Біз еңбек адамдары, ел еңсесі биік болуы жолында маңдай терімізді төгіп, аудан атын мәртебелі биіктерден танытуға мүмкіншілік берген тағдырымызға дән ризамыз.
Ал біздің еңбек майданындағы әрбір жетістігімізді, табыстарымызды елге сүйіншілеп, рухани демеу болып отырған үнжариямыз – «Жаңақорған тынысы» дала қостарын да, шопан қыстауларын да тынбай кезіп, еңбек адамының ең жақын сүйеніші болды. Мен сол үшін құрметтеймін бұл газетті.
Төл газетіміз оқырманына ғасырға жуық қызмет етіп, тар заманның талайын басынан өткізсе де жолынан жаңылмады. Жаңаша мазмұнды тақырыптарға, журналистік зерттеулерге, танымдық мақалаларға тыңнан сүрлеу салынды. Бұл жұмыстарда газет қызметкерлерінің өзіндік орны, өзіндік жазу мәнері тарихта қалары анық.
Тоқсанның төріне көтерілген торқалы тойларыңыз құтты болсын!
Арапбек Әбиев, күріш өсірудің озаты,
Социалистік Еңбек Ері;
