Бүгін Ақүйік ауылындағы спорт кешенінде спорт жанашыры Жақсылық Жарылқасынұлын еске алуға арналған футзалдан аудандық турнир өткізілді. Шараға жарысқа қатысушы спортшылармен қатар жақындары мен достары, ауыл тұрғындары қатысты. Салтанатты шараның ашылуында аудандық мәдениет және спорт бөлімінің басшысы Әбілқайыр Әбілпаттаұлы Сыздықов бұқаралық спорттық шаралардың маңызына тоқталып, командаларға сәттілік тілесе, туыстары біреуге жақсы дос, біреуге ардақты бауыр болған азамат жайында жарқын естеліктерімен бөлісті.
Турнирге кент және ауылдық округтерден барлығы 13 команда қатысты. Жарыс қорытындысы бойынша:
1 орын - QFS (Жаңақорған кенті)
2 орын - Нұр-Алтынсарай
3 орын - Бірлік ауылы