Қызылорда облысы бойынша Сыбайлас жемқорлыққа қарсы қызметке кәсіпкер облыстық Мемлекеттік сатып алу басқармасы өткізген мемлекеттік сатып алу конкурсының нәтижелеріне келіспейтіндігі бойынша шағым түсірді.
Департамент облыстық Ішкі мемлекеттік аудит департаментімен бірлесіп мүдделі тараптармен кездесу өткізді. Құжаттарды зерделеу барысында аталған конкурс жеңімпазы жалған мәліметтерді (2021 жылы есептен шығарылған авто бойынша ақпарат) ұсынғаны анықталған.
Өтініш берушінің дәлелдері расталды. Ішкі мемлекеттік аудит департаментінің актісі бойынша конкурс қорытындысы алынып тасталды. Кәсіпкердің шағымы оң шешімін тауып, серіктестік мемлекеттік сатып алу конкурсының жеңімпазыболып танылды.