СЛЕТ ДЕЛЕГАТТАРЫ СЫР БЕТКЕЙДЕГІ СЕРІКТЕСТІКТІҢ ТЫНЫСЫМЕН ТАНЫСТЫ

Бүгін ауданда бастау алған облыстық ІV-малшылар слетінің алғашқы күні Алматы, Тараз, Қарағанды, Ақтөбе және өзге де өңірлерден  келген делегаттар Келінтөбе ауылдық округіндегі Керімхан Егізбаев төрағалық ететін "Orda Агротехнология" ЖШС-нің тынысымен танысты. Аудан әкімінің орынбасары Ғалымжан Сопбеков бастаған делегат құрамында ауыл шаруашылығы саласының ғалымдары мен басқарма басшылары бар. Өз кезегінде асыл тұқымды мал шаруашылығын дамытуды қолға алған келінтөбелік кәсіпкер өңірдің климатына төзімді 150 бас асылтұқымды Санта Бертруда түлігін көбейтуді көздейді.