ОБЛЫСТЫҚ ҚҰРАН ОҚУ және АЗАН АЙТУ ЖАРЫСЫ ӨТТІ

ҚМДБ-ның Қызылорда облысы бойынша өкілдігі Жаңақорған аудандық мешіті және "Жаңарған Жаңақорған жастары" қоғамдық қорының ұйымдастыруымен қатарынан биыл үшінші рет облыстық деңгейде Құранды жатқа және мәнерлеп оқумен қатар, Азан шақыру жарысы өтті.
Жаңақорғанда өткен тартысты сайыста облысқа қарасты қала, аудан мешіттерінен келген 120 - дан астам үміткер қатысты.Бағалау ережесіне сәйкес, үміткерлерге қазылар алқасы тарапынан үш сауал қойылып, шәкірттердің Құран аяттарын жаттау қабілеті, оқу мәнері және әуезділігі мен тәжуид ережелерін сақтауға аса мән берілді.27 наурыз күні Жаңақорған аудандық мешітінде еліміздің бас муфтиі Наурызбай қажы Тағанұлы, облыс әкімінің орынбасары Қайрат Нұртай және аудан әкімі Руслан Рүстемұлы Рүстемов жарыс жеңімпаздарын марапаттады.